सूर्यनमस्कार महाभियान

 

निरामय योग प्रसार व संशोधन केंद्रामार्फत नियमित उपक्रमांसोबतच दरवर्षी प्रामुख्याने तीन वार्षिक उपक्रम साजरे केले जातात.यामध्ये रथसप्तमी निमित्त दरवर्षी सूर्यनमस्कार महाअभियान राबवले जाते. या अंतर्गत शहरातील विविध ठिकाणी सूर्यनमस्काराचे शास्त्रोक्त प्रशिक्षण देण्यासाठी तीन दिवसीय शिबीरे आयोजित केली जातात व रथसप्तमीच्या दिवशी शासकीय यंत्रणेसोबत सहयोग ठेवून शहरातील मुख्य क्रीडा संकुलात सामुदायिक सूर्यनमस्कार घातले जातात.तसेच वर्तमानपत्रातील लेख., आकाशवाणीवरील प्रसाराने तसेच शाळांमध्ये देण्यात येणारी व्याख्याने या विविध उपक्रमांद्वारे सूर्यनमस्कार हा प्रकृती स्वास्थ्यासाठी अत्यंत उपयुक्त आहे अशा या आसनाधिष्ठित व्यायाम प्रणालीचा प्रचार व प्रसार साधला जातो.